Namangan viloyati IIBning “Tezkor boshqaruv markazi” foydalanishga topshirildi
2025-03-19 18:50:00 / Yangiliklar
Namangan viloyati IIBDA o‘tkazilgan tantanali marosimda viloyat hokimi, harbiy-ma’muriy sektor rahbari Shavkatjon Abdurazzoqov, viloyat huquqni muhofaza qiluvchi organlar boshliqlari va boshqa mutasaddi tashkilotlar rahbarlari ishtirok etib, viloyat hokimi tabrik so‘zida yurtimizda jinoyatchilik va huquqbuzarliklar oldini olish masalasi eng ustuvor vazifalardan biri sifatida Davlat siyosati darajasiga ko‘tarilganini alohida ta’kidladi.
Shundan so‘ng, ramziy lenta qirqilib markazdagi navbatchilik qismi, 102 tizimi va situatsion markaz faoliyati bilan yaqindan tanishildi va tadbir ishtirokchilariga markazning keng imkoniyatlari hamda jinoyatchilikni oldini olishdagi vazifalari haqida ma’lumotlar berildi.
Loyiha qiymati 12,5 mlrd. so‘m bo‘lgan markaz so‘ngi zamonaviy texnologiyalar asosida jihozlangan. Unga “Xavfsiz shahar” tizimi integratsiya qilinib, 700 tadan ortiq kuzatuv kameralari ulangan. Bu o‘z navbatida hududlarda jamoat tartibini ta’minlash, yo‘l harakati xavfsizligini tartibga solish, sodir bo‘lishi mumkin bo‘lgan jinoyatlarni tezkor oldini olish bo‘yicha samarali nazorat o‘rnatilishini ta’minlaydi.
Namangan viloyati IIB Axborot xizmati.