Soʻgʻd-Namangan biznes-forumi oʻtkazildi
2025-02-07 17:10:00 / Yangiliklar
Tadbirda Tojikiston Respublikasi Soʻgʻd hamda Oʻzbekiston Respublikasi Namangan viloyati tadbirkorlari ishtirok etdilar. Unda iqtisodiy va madaniy hamkorlikni rivojlantirish masalalari muhokama qilindi.
Forumda Namangan viloyati va Tojikiston Respublikasi oʻrtasidagi tovar ayirboshlash hajmi 2024-yilda 28 million dollarga yetgani taʼkidlandi. Shuningdek, qishloq xoʻjaligi, sanoat, toʻqimachilik va turizm sohalarida qator qoʻshma loyihalarni amalga oshirish taklif etildi.
Yigʻilish yakunida yangi hamkorlik memorandumlari imzolandi va soʻgʻdlik tadbirkorlar shu yil Namanganda boʻlib oʻtadigan 64-Xalqaro "Gullar festivali”ga taklif etildi.
Tadbir ishtirokchilari ikki davlat oʻrtasidagi doʻstlik va iqtisodiy aloqalar yanada mustahkamlanib borayotganini taʼkidladilar.
Namangan viloyati hokimligi
Axborot xizmati