Namangan viloyati hokimi Shavkatjon Abdurazzoqov “Avto Tyuning” sohasida foliyat olib borayotgan tadbirkorlar bilan uchrashuv oʻtkazdi.
2025-01-29 19:05:00 / Yangiliklar
Unda avtomobil tyuningi sanoatini rivojlantirish, xorijiy va mahalliy sarmoyadorlarni jalb qilish, shuningdek, avtomobil ixlosmandlari uchun yangi imkoniyatlar yaratish masalalari muhokama qilindi.
Uchrashuvda viloyat rahbari avto tyuning sohasining jadal rivojlanayotganini va shu yoʻnalishda koʻrgazma tashkil qilish Namangan uchun muhim ahamiyat kasb etishini taʼkidladi.
Unga koʻra, koʻrgazma mintaqadagi avtomobilsozlik va avtomobil ehtiyot qismlari ishlab chiqaruvchilarini bir joyga jamlab, yangi biznes hamkorliklar va investitsiyalar uchun zamin yaratadi.
Shuningdek, viloyat hokimi tadbirkorlarni ushbu loyihada faol ishtirok etishga chaqirib, zaruriy infratuzilma va tashkilotchilik masalalarida mahalliy hokimiyat tomonidan toʻliq qoʻllab-quvvatlanishini maʼlum qildi.
Yangi Namangan tumani hokimligi
Axborot xizmat