Namangan vilоyati hоkimligi

Tashrif davomida Namangan viloyati rahbariyati va “Sinergiya” universiteti oʻrtasida Namangan shahrida yangi, raqamli kasblar texnikumini ochish boʻyicha kelishuvga erishildi.

Uning doirasida Toʻraqoʻrgʻon agrosanoat texnikumi va Rossiyaning “Sinergiya” raqamli kasb-hunar texnikumi oʻrtasida ikkita diplom dasturi asosida kelishuv imzolandi. 

Bugun ushbu harakatlar samarasi sifatida Namangan shahrida “Sinergiya” raqamli kasblar texnikumining ochilish marosimi boʻlib oʻtdi. 

Unda Namangan viloyati hokimi Shavkatjon Abdurazzoqov qatnashib, oʻrta - maxsus taʼlim yoʻnalishidagi yangi loyihani hayotga tadbiq etilishi bilan barchani tabrikladi. Yoshlar zamonaviy AyTi kasblarini oʻrganishda bu imkoniyatlardan samarali fodalanishlari lozimligini taʼkidladi.

Shundan soʻng rasmziy lenta qirqilib, yigʻilganlar yangi texnikumdagi sharoitlar bilan yaqindan tanishdilar.

Jarayon bevosita ZOOM aloqasi orqali Moskvadagi Sinergiya Universitetiga ulandi. 

Taʼkidlash joiz, “Sinergiya” universiteti tomonidan Namangan shahridagi IT-School negizida bolalar uchun qoʻshimcha “Synergy Hub Junior” taʼlim markazi ham tashkil etilib, unda bolalarga ishbilarmonlik oʻyinlari va mahorat darslari (master-klass) orqali raqamli kasblar bilan tanishish imkoniyati yaratilmoqda.

Namangan viloyati hokimligi
Axborot xizmati