“Rais kubogi” turniri oʻz nihoyasiga yetdi - “Namangan xalqaro aeroporti” jamoasi futbol boʻyicha respublikada birinchi
2024-10-21 19:05:00 / Yangiliklar
2024-yil 20-oktyabr kuni “Uzbekistan Airports” AJ tarkibiy korxonalari va xalqaro aeroportlarning yosh xodimlaridan tashkil topgan jamoalar oʻrtasida futbol oʻyinlari oʻz nihoyasiga yetdi.
Toshkent shahridagi “Toʻqimachilik” stadionida avvaliga 3-oʻrin uchun Buxoro xalqaro aeroporti hamda “Uzbekistan Airports Handling” MChJ jamoalari oʻzaro kuch sinashdi va unda 0:3 hisobida “Uzbekistan Airports Handling” MChJ jamoasi gʻoliblikni qoʻlga kiritdi.
“Rais kubogi”ning final bosqichi Samarqand va Namangan xalqaro aeroportlari jamoalari oʻrtasida boʻlib oʻtdi. Teng kurashda oʻtgan oʻyinning asosiy vaqtida jamoalar bir martadan hisobni ochishdi va gʻolib penaltilar seriasida aniqlanadigan boʻldi.
Penalti 4:3 hisobida Namangan xalqaro aeroporti jamoasi foydasiga hal boʻldi.
Tadbir yakunida “Uzbekistan Airports” AJ boshqaruvi raisi soʻzga chiqib, gʻoliblarni medallar bilan tabrikladi hamda birinchi oʻrin uchun 30 mln. soʻmlik va ikkinchi oʻrin uchun 20 mln. soʻmlik vaucherlarni gʻoliblarga taqdim etdi.
Shundan soʻng, boshqaruv raisi “Rais kubogi”ni Namangan xalqaro aeroporti kapitaniga tantanali topshirdi. Bundan tashqari, eng yaxshi darvozabon, eng yaxshi hujimchi va eng yaxshi oʻyinchi naminatsiyalari aniqlanib 1 mln. soʻmlik vaucherlar bilan taqdirlandi.