Xalqaro kuzatuvchilar – Namanganda!
2024-10-04 13:05:00 / Yangiliklar
Xabaringiz bor, Yevropada xavfsizlik va hamkorlik tashkiloti Demokratik institutlar va inson huquqlari boʻyicha byurosi (DIIHB) kuzatuvchilari shu kunlarda viloyatimizda boʻlib turibdi.
YEXHT missiyasi kuzatuvchisi - Buyuk Britaniyadan kelgan Martin Bruks bugun Namangan viloyati hokimi Shavkatjon Abdurazzoqov bilan uchrashdi.
Dastlab janob Martin Bruks qabul uchun minnatdorlik bildirdi. Namanganga uzoq muddatli kuzatuvchi sifatida kelgani, ovoz berish jarayoni arafasida qisqa muddatli kuzatuvchilar ham kelishini taʼkidlab, missiyaning maqsadi bilan tanishtirdi.
Viloyat hokimi Shavkatjon Abdurazzoqov mehmonga tashrif uchun minnatdorlik bildirib, viloyat hokimligi xalqaro kuzatuvchilar faoliyati uchun oʻz vakolat doirasida hamkorlik qilishga tayyorligini taʼkidladi.
Namangan viloyati hokimligi Axborot xizmati.