Namangan vilоyati hоkimligi

Namangan viloyati hokimi Shavkatjon Abdurazzoqov mehmonlarni qabul qildi.

Samimiy va konstruktiv ruhda o‘tgan muloqotda Krems universiteti bilan hamkorlikda mehmonxonalarni boshqarish, xalqaro standartlar asosida mutaxassis va trenerlar tayyorlash bo‘yicha hamkorlik ishlari muhokama qilindi.

Doktor Xayns Boer hamda ilmiy tadqiqotlar va innovatsiyalar bo‘yicha universitet rahbari Udo Kristian Brendli Chortoq tumanidagi 1-sonli texnikum faoliyati, amalga oshirilayotgan ta’lim dasturlari, moddiy-texnik bazasi, o‘quv ustaxonalari va laboratoriyalari bilan yaqindan tanishdilar.

Uchrashuvda mazkur muassasa negizida Avstriya tajribasi asosida ta’lim dasturlarini joriy etish, dual ta’lim modelini rivojlantirish, shuningdek, ta’lim va sanoat o‘rtasidagi hamkorlik mexanizmlarini takomillashtirish masalalari haqida gap bordi.

Shuningdek, Avstriya kasbiy ta’lim tashkilotlari bilan hamkorlikni yanada kengaytirish, qo‘shma ta’lim tashabbuslarini amalga oshirish, o‘qituvchi va o‘quvchilar almashinuvini yo‘lga qo‘yish, amaliy va dual ta’limni rivojlantirish yuzasidan fikr-mulohazalar almashildi.

Namangan viloyati hokimligi
Axborot xizmati