O‘zbekiston va Rossiya hududlari Kengashining III yig‘ilishida Namangan viloyati delegatsiyasi faol qatnashmoqda
2026-10-06 20:25:00 / Yangiliklar
Unda Namangan viloyati hokimi Shavkatjon Abdurazzoqov boshchiligidagi delegatsiya ham faol ishtirok etib, hududlar o‘rtasidagi savdo-iqtisodiy, investitsiyaviy va gumanitar hamkorlikni yanada kengaytirishga qaratilgan muloqotlarda qatnashmoqda.
Bugungi dastur doirasida hududlararo hujjatlarni imzolash marosimi bo‘ldi. «Farg‘ona expo» majmuasida tashkil etilgan ko‘rgazmada O‘zbekiston va Rossiya hududlarining iqtisodiy salohiyati, investitsiya imkoniyatlari hamda amalga oshirilayotgan loyihalari namoyish etildi.
Tadbirlar davomida Rossiya mintaqalari rahbarlarining O‘zbekiston hududlari hokimlari bilan yakka tartibdagi uchrashuvlari ham o‘tkazilmoqda. Jumladan, Krasnoyarsk o‘lkasi va Namangan viloyati o‘rtasida hamkorlikni rivojlantirish to‘g‘risida memorandum imzolandi.
Ta’kidlash joiz, bunday yirik xalqaro muloqot maydoni hududlarning bir-birini yaqindan anglashi, mavjud salohiyatni to‘liq ishga solishi va yangi iqtisodiy imkoniyatlarga yo‘l ochishi bilan ahamiyatlidir.
Namangan viloyati delegatsiyasining mazkur Kengash doirasidagi ishtiroki ham viloyatning Rossiya hududlari bilan o‘zaro manfaatli hamkorlikni yanada rivojlantirish, investitsiyalarni jalb etish va yangi loyihalarni amalga oshirish borasidagi intilishlarining amaliy ifodasi bo‘lmoqda.