“Taraqqiyot” KSZda qurilish ishlari davom etmoqda
2024-09-24 12:15:00 / Yangiliklar
Yangi Namangan tumanida kichik sanoat zonalari faoliyatini kuchaytirish, imkoniyatlarni toʻlaqonli ishga solish va bu orqali yangi ish oʻrinlarini yaratish choralari koʻrilmoqda.
Namangan viloyati hokimi Shavkatjon Abdurazzoqov Oʻzbekiston Respublikasi Bosh prokurori oʻrinbosari Sherzod Toʻxtaboyev bilan bugun “Taraqqiyot” kichik sanoat zonasida amalga oshirilayotgan qurilish ishlari holatini koʻzdan kechirdlar.
Viloyat rahbari loyihalarni amalga oshirishni tezlashtirish boʻyicha masʼullarga koʻrsatmalar berdi.
Maʼlumot uchun, mebelchilikka ixtisoslashgan mazkur sanoat majmuasining umumiy maydoni 10 gektar boʻlib, bu yerga 202,5 mlrd soʻmlik 37 ta investitsiyaviy loyiha joylashtirilmoqda. Natijada 4000 ga yaqin yangi ish oʻrinlari yaratiladi.
Yangi Namangan tumani hokimligi axborot xizmati