Namanganda oliy taʼlim muassasalari soni 11 taga yetdi
2024-09-09 10:30:00 / Yangiliklar
Bugun Yangi Namangan tumanida “TOSHKENT IQTISODIYOT VA TEXNOLOGIYALARI UNIVERSITETI” foydalanishga topshirildi.
Yangi Namangan tumanida nodavlat taʼlim muassasalari soni yana bittaga koʻpaydi. Tumanning “Oromgoh” mahallasida bunyod etilgan mazkur xususiy universitet “Best stroy-2020” MCHJ pudratchiligi asosida qurildi.
Bugun ushbu koʻrkam oliygoh tantanali ravishda ochildi.
Tadbirda Namangan viloyati hokimi Shavkatjon Abdurazzoqov ishtirok etib, yangi oliy taʼlim muassasasining ilk oʻquvchi yoshlarini shunday zamonaviy hamda barcha qulayliklarga ega boʻlgan bino bilan qutladi va oʻqishlarida muvaffaqiyatlar tiladi.
Institut vakillari talabalarning 200 nafari uchun tanlovlar asosida grant ajratilishi, qolaversa, 3 nafar ijtimoiy koʻmakka muhtoj, ehtiyojmand oila farzandlari grand asosida bepul oʻqitilishini maʼlum qildilar.
Taʼkidlash joiz, 1000 oʻringa moʻljallangan ushbu muassasa “TOSHKENT IQTISODIYOT VA TEXNOLOGIYALARI UNIVERSITETI” Namangan filiali sifatida faoliyat yuritadi. Mazkur muassasa ishga tushgach, viloyatda oliy taʼlim muassasalari soni 11 taga yetdi.
Namangani viloyati hokimligi Axborot xizmati.