Namangan tumanida zamonaviy 24/7 faoliyat yurituvchi ko‘cha barpo etilmoqda!
2026-08-05 23:25:00 / Yangiliklar
Bugun Namangan viloyati hokimi Shavkatjon Abdurazzoqov Namangan tumanida amalga oshirilayotgan ushbu yirik loyiha bilan tanishdi.
Loyiha "Anjirzor", "Bo‘ston", "Bog‘ ko‘cha", "Tepaqo‘rg‘on", "Bozorboshi", "Qirg‘izqo‘rg‘on" va "Oq buloq" mahallalari hududidan o‘tuvchi 4R-115 avtomobil yo‘li bo‘ylab amalga oshiriladi.
Loyiha doirasida: 4,4 km avtomobil yo‘li asfaltlanadi; 7,4 km piyodalar va velosiped yo‘laklari quriladi; 7,4 km hudud ko‘kalamzorlashtiriladi va ochiq suv latoklari barpo etiladi; aholi xonadonlari, devorlari hamda tadbirkorlik obyektlari obodonlashtiriladi.
Shuningdek, mazkur hududda 100 dan ortiq yangi tadbirkorlik subyektlari tashkil etilishi rejalashtirilgan.
Ushbu loyiha hudud infratuzilmasini yanada rivojlantirish, aholi uchun zamonaviy va qulay muhit yaratish, yangi ish o‘rinlarini ko‘paytirishga xizmat qiladi.