Namangan viloyati hokimi Xitoylik investorlarni qabul qildi
2024-08-30 10:30:00 / Yangiliklar
Soʻnggi yillarda Namangan viloyati xorijiy davlatlar bilan samarali hamkorlikni yoʻlga qoʻydi. Xitoylik investorlar bilan viloyat hokimi Shavkatjon Abdurazzoqovning uchrashuvida bu hamkorlikning yana bir misoli koʻrsatildi.
Uchrashuv davomida Yangi Namangan shaharchasida rejalashtirilgan qurilish loyihalari muhokama qilindi. Ushbu hududda 1 ming 203 gektar maydonda bunyodkorlik ishlari uch bosqichda amalga oshirilmoqda. Birinchi bosqichda “Yuksalish” massivida 330 gektar maydonda sanoat zonalari tashkil etilib, umumiy qiymati 3,9 trillion soʻmlik 300 loyiha ishga tushirildi. Natijada 26,3 mingta yangi ish oʻrinlari yaratildi.
Xitoylik investorlar Namanganga yangi loyihalar bilan kelishganini taʼkidladilar. Ular, asosan, Yangi Namangan shaharchasida qurilish va pudrat ishlarini amalga oshirishni rejalashtirmoqdalar. Viloyat hokimi bu borada zaruriy sharoitlar yaratilishini va yangi oʻquv yilidan taʼlim muassasalari faoliyat boshlashini taʼkidladi.
Xitoylik delegatsiyaning tashrifi Namangan viloyati va Xitoy oʻrtasidagi qurilish va investitsiya aloqalarini mustahkamlash yoʻlida muhim qadam boʻldi.
Davlatobod tumani hokimligi Axborot xizmati