Bank tizimi faoliyati va kambag‘allikni qisqartirish borasidagi ishlar muhokama qilindi
2026-07-28 23:00:00 / Yangiliklar
Unda dastlab tijorat banklari tomonidan 2026 yilning birinchi yarim yilligi davomida amalga oshirilgan ishlar atroflicha tahlil qilinib, yil yakuniga qadar belgilangan vazifalar muhokama etildi. Shuningdek, aholi bandligini ta’minlash, tadbirkorlikni qo‘llab-quvvatlash, loyihalarni o‘z vaqtida moliyalashtirish hamda kredit mablag‘laridan samarali foydalanish masalalariga alohida e’tibor qaratildi.
Shu bilan birga, kambag‘allikni qisqartirish yo‘nalishida birinchi yarim yillikda amalga oshirilgan ishlar tanqidiy tahlil qilinib, yil yakuniga qadar aholi daromadlarini oshirish, doimiy ish o‘rinlarini yaratish, tomorqa va tadbirkorlik imkoniyatlaridan samarali foydalanish orqali kambag‘allikni qisqartirish bo‘yicha ustuvor vazifalar belgilab olindi.
Yig‘ilish davomida har bir shahar va tuman kesimidagi ko‘rsatkichlar tahlil qilinib, mavjud kamchiliklar muhokama etildi. Mas’ul rahbarlar va mutasaddilarning hisobotlari tinglanib, yo‘l qo‘yilgan kamchiliklarni bartaraf etish, belgilangan reja va ko‘rsatkichlarni so‘zsiz bajarish yuzasidan aniq topshiriqlar berildi.
Yig‘ilish yakunida viloyat hokimi Shavkatjon Abdurazzoqov tomonidan iqtisodiy ko‘rsatkichlarni yaxshilash, aholi bandligi va daromadlarini oshirish, kambag‘allikni qisqartirish hamda banklar faoliyati samaradorligini yanada kuchaytirish bo‘yicha mas’ullarga tegishli vazifalar yuklatildi.
Davlatobod tumani hokimligi
Axborot xizmati