Namanganda obodonlashtirish va yirik turizm loyihalari ijrosi jadallashmoqda
2026-07-15 18:15:00 / Yangiliklar
O‘rganishlar davomida yo‘l bo‘ylab hududlarning obod qiyofasini shakllantirish, yashil maydonlarni kengaytirish, sanitariya holatini yaxshilash hamda transport qatnovi va yo‘lovchilar uchun qulay sharoitlarni yaratish masalalariga alohida e’tibor qaratildi.
Shuningdek, ishchi guruh ushbu yo‘nalishga tutash qishloq xo‘jaligi maydonlarini ham ko‘zdan kechirib, ekinlar hosildorligini oshirish, suv resurslaridan samarali foydalanish, agrotexnik tadbirlarni o‘z vaqtida amalga oshirish va yerlarning unumdorligini yanada yuksaltirish bo‘yicha mutasaddilarga aniq vazifalarni belgilab berdi.
O‘rganish yakunida Pop tumanida amalga oshirilayotgan “Arashan Resort” zamonaviy turizm markazi loyihasining borishi muhokama qilindi. Mazkur loyihani belgilangan muddatlarda va sifatli amalga oshirish, qurilish-sur’atlarini jadallashtirish hamda hududning turizm salohiyatini oshirish bo‘yicha mas’ul rahbarlarga tegishli topshiriqlar berildi.
Ta’kidlanganidek, obodonlashtirish, qishloq xo‘jaligi samaradorligini oshirish va zamonaviy turizm infratuzilmasini rivojlantirish bo‘yicha olib borilayotgan izchil ishlar viloyatning iqtisodiy salohiyatini mustahkamlash, yangi ish o‘rinlari yaratish hamda aholi farovonligini yuksaltirishga xizmat qiladi.
Namangan viloyati hokimligi
Axborot xizmati