"Yangi Namangan"da bunyodkorlik surʼati: kun emas, soat sayin oʻzgarayotgan mahalla.
2026-05-26 16:15:00 / Yangiliklar
Mahallada infratuzilmani modernizatsiya qilish boʻyicha keng koʻlamli ishlar olib borilmoqda. Yangi ijtimoiy obʼektlar barpo etilishi, ichki yoʻllarni bosqichma-bosqich taʼmirlash hamda muhandislik-kommunikatsiya tarmoqlarini zamonaviy talablar asosida yangilash jarayonlari aholining kundalik hayot sifatiga ham sezilarli taʼsir koʻrsatmoqda.
Namangan viloyati hokimi Shavkatjon Abdurazzoqov "Yangi Namangan" mahallasida olib borilayotgan ishlar bilan joyida tanishdi. Oʻrganishlar davomida qurilish ishlarining sifati, belgilangan muddatlarga rioya etilishi hamda aholi uchun yaratilayotgan qulayliklar atroflicha muhokama qilindi.
Oʻrganish chogʻida masʼullarga barcha loyihalarni sifatli va oʻz vaqtida yakunlash, mahallada tadbirkorlikni qoʻllab-quvvatlash orqali iqtisodiy faollikni oshirish hamda infratuzilmani yanada rivojlantirish yuzasidan aniq vazifalar yuklatildi.
Shuningdek, mahallada aholi salomatligi va faol turmush tarzini qoʻllab-quvvatlashga qaratilgan “Salomatlik yoʻlakchasi” barpo etilayotgani alohida eʼtiborga molik. Uzunligi 3 kilometrni tashkil etuvchi ushbu yoʻlakcha aholi uchun piyoda yurish, yugurish va yengil sport mashgʻulotlari bilan shugʻullanish imkoniyatini kengaytirishi bilan ahamiyatlidir.
Ushbu loyiha, ayniqsa, yoshlar va keksa avlod vakillari uchun sogʻlom turmush tarzini shakllantirishga xizmat qiladigan zamonaviy ijtimoiy makon sifatida baholanmoqda.
Namangan viloyati hokimligi
Axborot xizmati