Namangan viloyatida o‘tkazilayotgan 65-Xalqaro gullar festivali doirasida xalqaro hamkorlik aloqalari yanada mustahkamlanmoqda.
2026-05-24 19:00:00 / Yangiliklar
Uchrashuvda ikki hudud o‘rtasida savdo-iqtisodiy, madaniy-gumanitar va turizm sohalaridagi hamkorlik aloqalarini kengaytirish masalalari muhokama qilindi. Tomonlar do‘stona munosabatlarni yanada rivojlantirish, tadbirkorlik subyektlari o‘rtasida o‘zaro manfaatli hamkorlikni yo‘lga qo‘yish bo‘yicha fikr almashdilar.
Shuningdek, uchrashuv doirasida Namangan viloyatining Pop tumani hamda Tojikiston Respublikasi So‘g‘d viloyatining Devashtich tumani o‘rtasida o‘zaro hamkorlik memorandumi imzolandi. Mazkur kelishuv kelgusida iqtisodiy, ijtimoiy va madaniy sohalardagi aloqalarni yangi bosqichga olib chiqishi ta’kidlandi.
65-Xalqaro gullar festivali nafaqat go‘zallik va madaniyat bayrami, balki xalqlar o‘rtasidagi do‘stlik, hamjihatlik va xalqaro hamkorlik rishtalarini mustahkamlovchi muhim maydon sifatida ham xizmat qilmoqda.