Namangan viloyati hokimi Shavkatjon Abdurazzoqov boshchiligidagi ishchi guruhining navbatdagi manzili — Pop tumani bo‘ldi.
2026-05-16 14:10:00 / Yangiliklar
Ma’lumot uchun, Pop tumanida joriy mavsumda umumiy hisobda 10517 gektar g‘alla hamda 6829 gektar paxta maydonlarida agrotexnik tadbirlar olib borilmoqda.
Dastlab “Do‘stlik” MMTP hududidagi “Jo‘raboy Ergashali Mironshox” fermer xo‘jaligida 55 gektar paxta va 65 gektar g‘alla maydonlari ko‘zdan kechirildi. Shuningdek, “O‘g‘ilxon Gʻofuraxon” fermer xo‘jaligida g‘o‘za parvarishi jarayonlari tahlil qilindi.
Shundan so‘ng ishchi guruhi “Yuksalish”, “Qo‘shtepa” va “Nayman” MMTP hududlaridagi fermer xo‘jaliklari hamda xususiy korxonalar faoliyati bilan tanishdi.
O‘rganishlar davomida: — birinchi ishlovni kechiktirmaslik, — kultivatsiya ishlarini jadallashtirish, — g‘o‘za parvarishini agrotexnik talablar asosida tashkil etish, — begona o‘tlarga qarshi “Glifosat” ishlovining samaradorligini oshirish kabi masalalarga alohida e’tibor qaratildi.