Bir vaqtlar Markaziy Osiyoning eng yaxshi bozori boʻlgan Uchqoʻrgʻon bozorining oldingi mavqei tiklanadi
2024-07-15 11:50:00 / Yangiliklar
Kuni kecha Namangan viloyati hokimi Shavkatjon Abdurazzoqov Uchqoʻrgʻon tumanidagi oʻrganishlari davomida tumanni zamonaviy shaharsozlik va arxitektura talablariga javob beradigan yangi bosh loyihasi bilan tanishib, birinchilardan boʻlib bozorni tartibga keltirish, bozor ichki imkoniyatlaridan toʻlaqonli foydalanish, bozor bosh loyihasini takomillashtirgan holda ishlab chiqish yuzasidan topshiriq va koʻrsatmalar berdi.
Ayni paytda bozorda sotuvchi va xaridorlarga yetarli sharoit yaratish uchun keng koʻlamli qurilish-taʼmirlash ishlari amalga oshirilmoqda. Loyihada koʻrsatilgan bozor atrofidagi tirbandliklar oldini olish uchun yoʻllar, avtoturargohlar, qoʻshimcha savdo pavilyonlari barpo etiladi.
Uchqoʻrgʻon tumani hokimligi Axborot xizmati.