“Yangi Oʻzbekiston bogʻi” loyihasi: sunʼiy koʻl hamda xizmat koʻrsatish obyektlari barpo etilyapti
2024-07-07 11:45:00 / Yangiliklar
Bugun Namangan viloyati hokimi Shavkatjon Abdurazzoqov viloyat markazidagi bunyodkorliklar bilan tanishishni Davlatobod tumanida davom ettirmoqda.
“Yangi Oʻzbekiston bogʻi”da umumiy hisobda 58 gektar maydonda “Yashil hudud”, sport maydonlari, 5 ta kafe-restoran, milliy oʻyinlar maydonlari, sunʼiy koʻl, favvoralar, yozgi amfiteatr, avtoturargoh, savdo shoxobchalari barpo etilishi rejalashtirilgan.
Hozirga qadar yangi amfiteatrda ilk tadbir - 63-xalqaro “Gullar festivali”ning tantanali yopilish marosimi oʻtkazilgan boʻlsa, endilikda uning atrofidagi xizmat koʻrsatish obyektlarini ham qisqa fursatlarda ishga tushirish choralari koʻrilmoqda.
Viloyat rahbari bosh loyiha asosida olib borilayotgan ishlarni koʻzdan kechirib, jarayonni tez va sifatli yakunlash boʻyicha mutasaddilarga tegishli topshiriqlar berdi.
Namangan viloyati hokimligi Axborot xizmati.