Afgʻoniston delegatsiyasining navbatdagi manzili – Toʻraqoʻrgʻon tumani hududidagi “Iftixor kiyim sanoati” korxonasi boʻldi.
2026-04-21 23:40:00 / Yangiliklar
Mazkur jamoa Namangan viloyatidagi eng yirik sanoat korxonalaridan biri hisoblanadi. Bu yerda yiliga 50 million dollarlik 20 ming tonna paxta xom ashyosi qayta ishlanib, kalava holiga keltiriladi, soʻngra bosqichma-bosqich tayyor mahsulot tayyorlanadi. Faoliyat boshlanganiga uncha koʻp vaqt boʻlmasa-da, mahsulotlari Misr, Turkiya, Rossiya, Eron, Polsha, Suriya, Xitoy kabi davlatlarga eksport qilinib, oʻz xaridorini topdi.
Shuningdek, Yevropa brendlari bilan samarali hamkorlikni yoʻlga qoʻygan.
Korxona klaster tizimida ishlaydi va ixtiyorida 1000 gektar paxta maydoni bor, shuningdek, viloyat boʻyicha 200 ta fermerlardan toʻgʻridan-toʻgʻri hosilni qabul qilib oladi.
Mehmonlar korxonada toʻla zamonaviy texnologiyalar asosidagi ishlab chiqarish jarayonlari bilan tanishdilar.
Yakunda oʻzaro hamkorlik yuzasidan ikki tomonning takliflari oʻrganildi.
Toʻraqoʻrgʻon tumani hokimligi
Axborot xizmati