Namanganda 24/7 xizmat ko‘rsatish ko‘chasida qurilish ishlari yakunlanish arafasida
2026-04-20 08:15:00 / Yangiliklar
“Zamin dizayn” MChJ loyihasi asosida “Big family” MChJ tomonidan amalga oshirilayotgan qurilish ishlari yakuniy bosqichga yetib bormoqda. “Zarbdor tajribasi” asosida shakllantirilayotgan mazkur servis hududida 20 dan ortiq savdo obyektlari tashkil etilib, ular “K-savdo” elektron platformasi orqali xarid qilgan tadbirkorlar tomonidan zamonaviy ko‘rinishda bunyod etilmoqda.
Namangan viloyati hokimi Shavkatjon Abdurazzoqov hududdagi ishlar bilan tanishib, qurilish sifati va umumiy arxitektura uyg‘unligiga alohida e’tibor qaratdi. Shuningdek, hududni yanada ko‘kalamzorlashtirish maqsadida ko‘chat ekish tadbirida ishtirok etdi.
O‘rganishlar davomida shahar bo‘ylab o‘tkazilishi rejalashtirilgan 65-Xalqaro Gullar festivaliga tayyorgarlik ishlari ham ko‘zdan kechirildi. Ushbu nufuzli tadbirning yubiley yili yuqori saviyada o‘tishini ta’minlash zarurligi ta’kidlanib, mas’ullarga aniq topshiriq va ko‘rsatmalar berildi.
Namangan viloyati hokimligi
Axborot xizmati