Namangan vilоyati hоkimligi

Ayni paytda hududda yashil maydonlar barpo etish, salomatlik yo‘laklari tashkil qilish, zamonaviy yoritish tizimlarini o‘rnatish hamda aholi uchun qulay dam olish maskanlarini yaratish jarayoni qizg‘in bormoqda.

Shuningdek, Furqat nomli madaniyat va istirohat bog‘ida ham qurilish va bunyodkorlik ishlari jadal sur’atlarda davom ettirilmoqda. Mazkur hududda aholining mazmunli dam olishini ta’minlash, zamonaviy infratuzilmani shakllantirishga qaratilgan ishlar amalga oshirilmoqda.

Aholini uy-joy bilan ta’minlash borasida ham keng ko‘lamli qurilish ishlari amalga oshirilmoqda.

Jumladan, turli hududlarda jami 250 xonadondan iborat ko‘p qavatli uylar bunyod etilmoqda. Bu esa aholi farovonligini oshirish, ijtimoiy barqarorlikni ta’minlashda muhim ahamiyat kasb etadi.

Shuningdek, tumandagi 5 ta umumta’lim hamda maktabgacha ta’lim tashkilotlarida energiya tejamkor texnologiyalarni joriy etish doirasida mukammal ta’mirlash ishlari olib borilmoqda.

Tumanda muhim loyihalardan yana biri — muhtaram Prezidentimiz tashabbuslari bilan amalga oshirilayotgan "Yangi O‘zbekiston qiyofasidagi mahalla" dasturi doirasida "Gulshan" mahallasida ham keng ko‘lamli bunyodkorlik ishlari jadal sur’atlarda olib borilmoqda. 

Dastur asosida mahalla infratuzilmasini yaxshilash, yo‘l, muhandislik-kommunikatsiya tarmoqlarini yangilash, ijtimoiy obyektlarni zamon talablari darajasiga olib chiqishga alohida e’tibor qaratilgan. Ayni paytda mahalla binosida kapital ta’mirlash ishlari boshlangan.

Bugun Namangan viloyati hokimi Shavkatjon Abdurazzoqov Chortoq tumanida bo‘lib, ushbu obyektlarda amalga oshirilayotgan qurilish va bunyodkorlik ishlari bilan yaqindan tanishdi.

Viloyat hokimi joylarda nuroniylar va aholi vakillari bilan muloqot qilib, mamlakatimizda amalga oshirilayotgan islohotlar avvalo inson manfaatlarini ta’minlashga qaratilganini ta’kidladi. 

Tashrif davomida yangi ko‘p qavatli uylar qurilishiga tamal toshi qo‘yildi. 

Mas’ullarga qurilish ishlarini sifatli va belgilangan muddatlarda yakunlash bo‘yicha tegishli ko‘rsatmalar berildi.

Chortoq tumani hokimligi
Axborot xizmati