Uychida DXX raisi kubogi uchun futbol va mini futbol musobaqalariga start berildi.
2026-04-09 18:40:00 / Yangiliklar
Uychi tumanidagi “Yoshlar kuni” tadbirlari 2026-yilgi “Besh tashabbus olimpiadasi” doirasida DXX raisi kubogi uchun o‘tkazilayotgan musobaqalarga ulanib ketdi. 14 yoshdan 30 yoshgacha bo‘lgan o‘smirlar va yoshlar, qizlar o‘rtasida futbol va mini futbol bo‘yicha o‘tadigan musobaqalarga start berildi. Mazkur musobaqada tumandagi mavjud 53 ta mahalladan to‘rt mingdan ortiq yosh qamrab olinadi.
Musobaqaning tantanali ochilish marosimida Namangan viloyati hokimi Shavkatjon Abdurazzoqov, DXX Namangan viloyati bo‘yicha boshqarmasi boshlig‘i, masʼul tashkilotlar rahbarlari, yoshlar ishtirok etdilar. Viloyat rahbari Prezidentimiz boshchiligida yurtimizda barcha sohalar qatori sportga qaratilayotgan eʼtibor haqida to‘xtaldi va jamoalarga muvaffaqiyatlar tiladi.
Dastlabki o‘yinni “Toshloq” hamda "Jiydakapa" mahallalaridan tashrif buyurgan jamoalar boshlab berishdi.
Sport – bu kuch, jamoaviylik va g‘alaba sari intilish! Aynan shunday shior ostida boshlangan musobaqalar yoshlar uchun nafaqat bellashuv, balki do‘stlik, birdamlik va maqsad sari intilish maydoniga aylanmoqda.
Namangan viloyati hokimligi
Axborot xizmati