Viloyat hokimi yoshlar muammolarini o‘rgandi: ochiq muloqotda ko‘tarilgan masalalar hal etildi, mehnat yarmarkasida yangi ish o‘rinlari taqdim qilindi.
2026-04-02 18:50:00 / Yangiliklar
Namangan viloyati hokimi Shavkatjon Abdurazzoqov shu yerda bo‘lib o‘tayotgan “Yangi O‘zbekiston olimpiya cho‘qqilari” Prezident olimpiadasi doirasidagi sport musobaqalarini ko‘zdan kechirdi.
Tumanda tadbirkorlik, qo‘l mehnati va rassomchilik faoliyati bilan shug‘ullanayotgan qizlar bilan suhbatlashib, “Yoshlar daftari”da turuvchi 7 nafar yigit-qizga bandligini taʼminlash uchun maxsus asbob-uskuna hamda tikuv mashinalari topshirdi.
“Yoshlar kuni”ning kulminatsion tadbiri – shubhasiz, Namangan viloyati hokimining yoshlar bilan uchrashuvi bo‘ldi.
“Hokim va yoshlar” uchrashuvida 2026-yilda muddatli harbiy xizmatdan qaytgan va vaqtincha ishsiz bo‘lgan 50 nafarga yaqin yoshlar ishtirok etib, bandlik, tadbirkorlik faoliyatini boshlash uchun yer-joy, kadastr va boshqa masalalarda murojaat qildilar.
Viloyat rahbari har bir murojaatni birma-bir tinglab, ko‘tarilgan masalalarga shu yerning o‘zida yechim topdi. Muddat talab qiladigan ayrim murojaatlar bo‘yicha tegishli mutasaddilarga topshiriqlar berilib, ijrosi nazoratga olindi.
Namangan viloyati hokimligi
Axborot xizmati