Chigit ekish mavsumini tez va sifatli tashkil etishga bag‘ishlangan viloyat seminari bo‘lib o‘tdi.
2026-03-22 16:40:00 / Yangiliklar
Unda Namangan viloyati hokimi Shavkatjon Abdurazzoqov boshchiligida jamoatchilik vakillari, soha faxriylari, tumanlar hokimlari, qishloq xo‘jaligiga dahldor tashkilotlar rahbar va mutaxassislari ishtirok etdilar.
Joriy mavsumda viloyat bo‘yicha 48800 gektar maydonga chigit ekilib, har gektaridan o‘rtacha 52,2 sentnerdan, jami 254500 tonna paxta xomashyosi yetishtirish maqsad qilingan.
Seminarda chigit ekiladigan maydonlarni ekishga tayyorlash, ekish ishlarini tez va sifatli tashkil etish bo‘yicha amaliy ishlar ko‘rildi. Mutaxassislar tomonidan, ayniqsa, pleyonka ostiga, qo‘shqator usulda urug‘ qadab, tomchilatib sug‘orish tarmog‘ini ham tortib borishning tartib-taomillari, afzalliklari atroflicha tushuntirib berildi.
Viloyat rahbari mavsumga yerni tayyorlashdan tortib, o‘z vaqtida chigit ekish, urug‘ sifati, undirib olingan nihollarga ishlov berish, o‘simliklarni kasalliklarga qarshi dorilash, bunda zamonaviy texnika va texnologiyalardan samarali foydalanish masalalarigacha eʼtibor qaratdi.
Shu yerda jonliq so‘yilib, chigit ekish mavsumiga «oq fotiha» berildi. Nuroniylar tomonidan yurtimizga barqaror tinchlik-osudalik, dehqonchiliklarga baraka tilab, duolar qilindi.
Namangan viloyati hokimligi
Axborot xizmati