Norinda investitsiya va turizm sohasida yangi loyiha: gazli va gazsiz suv ishlab chiqariladi.
2026-03-10 14:05:00 / Yangiliklar
Norin tumanidagi "Uchtepa" mahallasi hududida “DOSTLIK FORWARD” MCHJ tomonidan gazli va gazlanmagan suv ishlab chiqarish loyihasi amalga oshirilmoqda.
Loyihaning umumiy qiymati 2 million AQSH dollarini tashkil etadi. Birinchi bosqichida 50 ta yangi ish o‘rni yaratiladi, to‘liq ishga tushirilgandan so‘ng esa 110 nafar aholining doimiy bandligi taʼminlanadi.
Bu loyiha nafaqat suv mahsulotlari ishlab chiqarishni kengaytirib, aholi bandligini taʼminlaydi, mahalliy iqtisodiyot rivojlanishga ham sezilarli hissa qo‘shadi.
Shuningdek, loyiha doirasida "Uchtepa bulog‘i" ziyoratgohi ham qayta quriladi. Bu esa hududda turizm va ekoturizmni rivojlantirishga katta imkoniyat yaratadi. Yangi suv korxonasi va buloq zonasi orqali sayyohlar va mahalliy aholi uchun zamonaviy sharoitlar yaratilishi rejalashtirilgan.
Norin tumani hokimligi
Axborot xizmati