Namanganda iftorliklar davom etmoqda: nuroniylar, mehnat faxriylariga eʼtibor.
2026-03-04 22:25:00 / Yangiliklar
Namangan viloyatida muborak Ramazon oyi munosabati bilan “Ramazon — mehr-muruvvat, ahillik va shukronalik oyi” shiori ostida xayr-ehson tadbirlari tashkil etilmoqda.
Yangi Namangan tumanidagi “Komolxon ota” milliy taomlar markazida yozilgan navbatdagi iftorlik dasturxoniga 100 nafar nuroniylar, mehnat faxriylari va jamoat faollari taklif etildilar.
Tadbirda Namangan viloyati hokimi Shavkatjon Abdurazzoqov qatnashib, muhtaram Prezidentimiz tomonidan Ramazon oyida aholiga, ayniqsa, ijtimoiy himoyaga muhtoj, ehtiyojmandlarga koʻrsatilayotgan eʼtibor haqida toʻxtaldi.
Samimiy va fayzli muhitda oʻtgan iftorlik davomida nuroniylar Yurtboshimizni duo qilib, yurt tinchligi, xalq farovonligi va Vatanimiz ravnaqi bardavom boʻlishini tiladilar.
Yangi Namangan tumani hokimligi
Axborot xizmati