"Bobur bog‘i" yangi qiyofada: 65-xalqaro "Gullar festivali"ga puxta tayyorgarlik ko‘rilmoqda.
2026-03-01 18:00:00 / Yangiliklar
O‘rganishlar chog‘ida noqonuniy qurilmalarni bartaraf etish, bog‘ hududidagi eskirgan va nosoz attratsionlarni zamonaviy, xavfsiz attratsionlarga almashtirish, sug‘orish tizimini yaxshilash jarayonlari atroflicha ko‘zdan kechirildi.
Bahor kelib, mazkur bog‘da ham yangi mavsum oldidan aholi, ayniqsa, uzoq-yaqindan tashrif buyuradigan sayyohlar uchun munosib sharoitlar yaratish ishlari olib borilmoqda.
Viloyat rahbari har bir yo‘nalish bo‘yicha masʼullarga tegishli topshiriqlar berdi. 65-xalqaro "Gullar festivali"ga munosib tayyorgarlik ko‘rish, bog‘ning umumiy qiyofasini yanada jozibador etish hamda mehmonlar uchun yuqori darajadagi madaniy hordiq muhitini yaratish zarurligi taʼkidlandi. Mazkur ishlar Namanganning turistik salohiyatini yanada oshirishga xizmat qilishi taʼkidlandi.
Namangan viloyati hokimligi
Axborot xizmati