Namanganda vodiyda yagona milliy gastronomik turizm markazi tashkil etildi.
2026-02-22 15:35:00 / Yangiliklar
Boisi, milliy ruhda barpo qilingan bino va inshootlar tashrif buyuruvchini bir zumda o‘ziga rom etadi. Majmua xonalari XVI- XIX asrlarga oid nodir ashyolar bilan bezatilgan bo‘lib, anʼanalarga mos dizayn o‘ziga xos ko‘rk bag‘ishlab turibdi.
- Hozirga qadar 11 milliard so‘mlik ish bajardik. Maqsadimiz namanganliklar va viloyatimiz mehmonlari hamda xorijiy sayyohlarga tariximiz va udumlarimizni tanishtirgan holda xizmat ko‘rsatishdan iborat, - deydi loyiha tashabbuskori, tadbirkor Muhammad Kazakov.
Bir vaqtning o‘zida 1000 kishiga xizmat ko‘rsata oladigan majmuada Artxaus, hunarmandlar markazi tashkil etish ishlari davom etmoqda.
Bugun Namangan viloyati hokimi Shavkatjon Abdurazzoqov ushbu maskanda bo‘lib, yaratilgan sharoitlar bilan yaqindan tanishdi.
Bu kabi tashabbuslarni qo‘llab-quvvatlash, ichki va xalqaro turizm rivoji uchun bor imkoniyatlarni ishga solish lozimligi taʼkidlandi.
Namangan viloyati hokimligi
Axborot xizmati