Ijtimoiy himoya milliy agentligi viloyat boshqarmasi tez orada yangi binoda faoliyat boshlaydi
2024-06-02 13:50:00 / Yangiliklar
Xabaringiz bor, Namangan shahrining “Margʻilon” mahallasi hududida joylashgan sobiq “Standartlashtirish markazi” binosi “Ijtimoiy himoya milliy agentligi” viloyat boshqarmasi uchun ajratilgan.
Ayni paytda mazkur obyektda keng koʻlamli taʼmirlash, obodonlashtirish ishlari olib borilmoqda. Yangicha qiyofaga kirgan ushbu binoda pardozlash ishlari amalga oshirilmoqda. Yaqin kunlarda bino toʻliq jihozlanib, foydalanishga topshiriladi.
Namangan viloyati hokimi Shavkatjon Abdurazzoqov bu yerda amalga oshirilayotgan qurilish-taʼmirlash jarayoni bilan yaqindan tanishib, kamchiliklarni bartaraf etish, ishni tez va sifatli bajarish boʻyicha mutasaddilarga tegishli topshiriq hamda koʻrsatmalar berdi.
Namangan viloyati hokimligi Axborot xizmati.