Viloyat hokimi Shavkatjon Abdurazzoqov Axsikent arxeologik parki hamda unga yondosh hududlarda amalga oshirilayotgan ishlarni koʻzdan kechirdi.
2026-01-20 19:05:00 / Yangiliklar
Soʻngra Axsikentda yangi bunyod etilgan eksponatlar muzeyi, Umarshayh Mirzoning ramziy kaptarxonasida boʻlindi. Muzeyni oʻziga xos dizaynda jihozlash boʻyicha takliflar bildirildi. X-XII asrlarga oid yerosti suv inshooti qoldiqlari ustini yopish boʻyicha bajarilayotgan ishlar ham koʻrib chiqildi.
Shuningdek Sirdaryo sohillarida tashkil etilayotgan hordiq chiqarish maskanlaridagi jarayonlar koʻzdan kechirildi. Xususan, uch kilometrlik «Salomatlik yoʻlakchasi» qurilishi, «Axsikent» oilaviy hordiq chiqarish majmuasi faoliyati oʻrganildi.
Viloyat hokimi yaqinlashib kelayotgan yangi turizm mavsumida sayyohlar oqimini koʻpaytirish choralarini koʻrish zarurligi boʻyicha mutaxassislarga koʻrsatmalar berdi. Ayniqsa, shu hududda istiqomat qiluvchilar turizm orqali daromad koʻrish maqsadida mehmon uylarini ochishlari zarurligi aytildi.
Toʻraqoʻrgʻon tumani hokimligi
Axborot xizmati