Chortoq tumanida yirik koʻprik loyihasi: D–111 yoʻlida zamonaviy inshoot barpo etiladi
2026-01-20 14:40:00 / Yangiliklar
Uychi va Chortoq tumanlarini bogʻlovchi mazkur inshoot hududlararo qatnovda muhim ahamiyat kasb etadi.
Biroq, yillar davomida tabiiy omillar — korroziya va yer yuzi eroziyasi taʼsirida koʻprik konstruksiyalarida eskirish holatlari kuzatilgan. Shu bois, yirik va murakkab muhandislik inshooti sifati va xavfsizligini taʼminlash uchun uni qayta qurish zarurligi tugʻilgan.
Hozirda mazkur yoʻl oʻtkazgich oʻrnida zamonaviy talablarga javob beradigan, harakat xavfsizligi taʼminlangan va har tomonlama qulay yangi koʻprik barpo etish rejalashtirilgan.
Namangan viloyati hokimi Shavkatjon Abdurazzoqov obʼektda boʻlib, koʻprikni qayta qurish boʻyicha ishlab chiqilgan loyiha taqdimoti bilan tanishdi.
Bunday yirik inshootlarni qurishda puxta hisob-kitoblarga asoslangan, barcha texnik va xavfsizlik talablarini oʻz ichiga olgan sifatli loyiha ishlab chiqish hal qiluvchi ahamiyatga egaligi taʼkidlandi.
Chortoq tumani hokimligi
Axborot xizmati