Yo‘l infratuzilmasi: qurilishda boy tajribaga ega xorijiy kompaniyalar jalb etilmoqda
2026-01-13 18:50:00 / Yangiliklar
Xitoyning qurilish va transport infratuzilmasi bilan shug‘ullanadigan qurilish kompaniyasi - Chjunsin bosh direktori o‘rinbosari U Shidze boshchiligidagi delegatsiya viloyatimizga keldi.
Namangan viloyati hokimi Shavkatjon Abdurazzoqov mehmonlarni qabul qilib, keyingi yillarda Namanganda olib borilayotgan bunyodkorliklar, xususan, yo‘l qurilish sohasidagi yangi rejalar haqida to‘xtaldi.
Delegatsiya rahbari U Shidze kompaniya imkoniyatlari va tajribasi, amalga oshirgan yirik loyihalari bilan tanishtirdi.
Viloyat hokimi xorijiy kompaniyalarni jalb etishdan maqsad qurilayotgan yo‘llarni jahon standartlariga mos, zamonaviy holda, jadal surʼatda barpo qilish ekanligini taʼkidlab o‘tdi. O‘z navbatida, xorijiy kompaniya vakillari investitsiya kiritishga tayyor ekanliklarini bildirdilar.
Ayni vaqtda Chjunsin kompaniyasi vakillari Namanganda amalga oshiriladigan yangi loyihalar bilan yaqindan tanishmoqdalar.
Namangan viloyati hokimligi
Axborot xizmati