“Yangi Oʻzbekiston bogʻi”- qurilishni tez va sifatli amalga oshirish kerak
2024-05-12 11:00:00 / Yangiliklar
Viloyat rahbari bosh loyiha boʻyicha olib borilayotgan qurilish ishlarini mutaxassislar ishtirokida muhokama qildi. Jarayonni tezlatish barobarida sifatga alohida eʼtibor qaratish yuzasidan mutasaddilarga tegishli topshiriqlar berdi.
Xabaringiz bor, Namanganda shu yil 19-maydan boshlab, qirq kun davom etadigan 63-xalqaro “Gullar festivali”ning ayrim madaniy tadbirlarini bu yerda yangi qurilgan yozgi amfiteatrda oʻtkazish rejalashtirilmoqda.
Ayni paytda amfiteatrda pardozlash ishlari yakunlanish arafasida. Atrofida esa obodonlashtirish jarayoni davom etmoqda.
Viloyat hokimi ushbu majmuani belgilangan muddatda foydalanishga topshirish, buning uchun quruvchi-ishchilar sonini koʻpaytirish lozimligini taʼkidladi.
Namangan viloyati hokimligi Axborot xizmati.