Namangan viloyati hokimi Shavkatjon Abdurazzoqov Uchqo‘rg‘on tumanida faoliyat yuritayotgan texnikumlar faoliyati hamda ularning istiqbolli rejalari bilan tanishdi.
2025-12-24 18:50:00 / Yangiliklar
O‘zbekiston Respublikasi Prezidentining tegishli Farmon va qarorlari asosida Uchqo‘rg‘on tumanida 4 ta texnikum tashkil etilgan bo‘lib, ularda zamonaviy kasb-hunarlarga ixtisoslashgan kadrlarni tayyorlash, yoshlarni mehnat bozori talablariga mos ravishda o‘qitish hamda amaliyotga yo‘naltirilgan taʼlimni joriy etishga alohida eʼtibor qaratilmoqda.
Tashrif davomida viloyat rahbari taʼlim sifatini oshirish, o‘quv-amaliy bazani mustahkamlash, ish beruvchilar bilan hamkorlikni kuchaytirish hamda bitiruvchilarning bandligini taʼminlash masalalari yuzasidan masʼullarga tegishli ko‘rsatma va topshiriqlar berdi.