Yo‘l qurilishi: yil sarhisobi va yangi rejalar taqdimoti o‘tkazildi
2025-12-18 20:00:00 / Yangiliklar
Namangan viloyati hududida umumiy foydalanishdagi hamda ichki xo‘jalik avtomobil yo‘llarining umumiy uzunligi 14 336 kilometrni tashkil etadi. Joriy yilda yo‘l infratuzilmasi sohasida 1 488 km yo‘llarda, 8 dona ko‘priklarda qayta qurish-taʼmirlash ishlari bajarildi.
Namangan viloyati hokimi Shavkatjon Abdurazzoqov hozirga qadar amalga oshirilgan ishlarni birma-bir taxlil qilib, kelgusi yil uchun belgilangan loyihalar bilan batafsil tanishdi.
2026 yilda 103 dona obyektlarda 550 km avtomobil yo‘llarini taʼmirlash ishlari olib boriladi. Bundan tashqari, yo‘l bo‘yi infratuzilmasini yaxshilash masalasiga alohida eʼtibor qaratiladi.
Viloyat hokimi har bir loyiha bo‘yicha takliflarni o‘rganib chiqib, ularni yanada takomillashtirish, yo‘l harakati xavfsizligini taʼminlash, tirbandliklar oldini olish, jamoat transporti xizmati sifatini yaxshilash, xorijdan yangi zamonaviy avtobuslar keltirilishini tezlatish, barcha ishlarni belgilangan muddatlarda, sifatli darajada bajarish yuzasidan mutasaddilarga tegishli topshiriqlar berdi.
Namangan viloyati hokimligi
Axborot xizmati