“Bir nuroniy – o‘n yoshga masʼul” ko‘rik-tanlovi: 1-o‘rin Namangan viloyatiga nasib etdi
2025-12-11 18:45:00 / Yangiliklar
Tanlov g‘oliblarini tantanali taqdirlash marosimida Namangan viloyati hokimi Shavkatjon Abdurazzoqov qatnashib, ishtirokchilarni qutladi va nuroniylarning faoliyati, ularning yoshlar tarbiyasidagi o‘rni hamda mamlakat taraqqiyotidagi hissasini alohida taʼkidladi.
Yakuniy natijalarga ko‘ra, ko‘rik-tanlovning Respublika bosqichi g‘olibligi Namangan viloyatiga nasib etdi: Uychi tumani “Bog‘ ko‘cha” mahalla fuqarolar yig‘ini Keksalar maslahat guruhi rahbari Saidaxon Ubaydullayeva respublika bosqichida 1-o‘rinni qo‘lga kiritib, jamg‘armaning diplom va pul mukofoti (voucher) bilan taqdirlandi.
Shuningdek, 2-o‘rinni — Toshkent shahri, 3-o‘rinni esa — Buxoro va Navoiy viloyatlari vakillari qo‘lga kiritdilar.
G‘olib va sovrindorlarga, shuningdek, 11 ta nominatsiyalar bo‘yicha faollarga mukofot hamda sovg‘alar tantanali tarzda topshirildi.
Bellashuv faqat g‘oliblarni aniqlash bilan cheklanib qolmay, balki nuroniylarimiz tajribasi, hayotiy saboqlari va yoshlarga bo‘lgan mehrini yanada keng targ‘ib etishga xizmat qildi.
Namangan viloyati hokimligi
Axborot xizmati