Mirzakamalov Elmurod Avazbek oʻgʻli Namangan viloyati hokimligining Ijro intizomi nazorati boʻlimi boshligʻi vazifasini bajaruvchisi etib tayinlandi.
2025-12-09 19:45:00 / Yangiliklar
Elmurod Mirzakamalov 1988-yilda Namangan viloyati, Uychi tumanida tugʻilgan. Maʼlumoti oliy, 2015-yilda Toshkent Irrigatsiya va Melioratsiya institutini tamomlagan.
Mehnat faoliyatini 2015-yilda Norin-Sirdaryo irrigatsiya tizimlari havza boshqarmasiga qarashli Nasos stansiyalari, energetika va aloqa boshqarmasida boshlagan. Soʻngra Namangan viloyati hokimligining Hududlarni kompleks rivojlantirish yigʻma boshqarmasida yetakchi mutaxassisi sifatida va yana bir qator masʼul vazifalarda, jumladan, tashkiliy – nazorat guruhi, devonxona, Jismoniy va yuridik shaxslarning murojaatlari bilan ishlash boʻlimida faoliyat olib borgan.
Tayinlovga qadar Namangan viloyati hokimligining Murojaatlar bilan ishlash boʻlimi boshligʻi vazifasida ishlab kelayotgan edi.
Mazkur tayinlov Namangan viloyati hokimining tegishli qarori bilan amalga oshirildi.
Namangan viloyati hokimligi
Axborot xizmati