Konstitutsiyamiz qabul qilinganligining 33-yilligi arafasida Chust tumanida yana bir muhim ijtimoiy loyiha foydalanishga topshirildi.
2025-12-06 19:10:00 / Yangiliklar
"Yangichak" mahallasidagi 55-sonli Davlat maktabgacha taʼlim tashkiloti faoliyatini yangi binoda davom ettiradigan bo‘ldi.
Mazkur maskanda amalga oshirilgan qurilish va taʼmirlash ishlari natijasida muassasa quvvati avvalgi 50 o‘rindan 90 o‘ringa kengaytirildi. Bolajonlar uchun qulay va xavfsiz infratuzilma yaratilib, barcha zarur jihozlar bilan taʼminlandi.
Tantanali taqdimot marosimida Namangan viloyati hokimi Shavkatjon Abdurazzoqov, nuroniylar, maktabgacha taʼlim tashkilotlari rahbarlari va keng jamoatchilik vakillari ishtirok etdilar.
Muassasaning zamonaviy binosi aholi, ayniqsa, yosh oilalar uchun bayram arafasida katta quvonch olib keldi.