Namanganda bayram tadbirlari o‘tkazilmoqda
2025-12-05 18:10:00 / Yangiliklar
Tadbir teatr oldidagi hiyobonda tashkil etilgan "Konstitutsiya sayli" bilan boshlandi.
Namangan viloyati hokimi, O‘zbekiston Respublikasi Oliy Majlisi senati a’zosi Shavkatjon Abdurazzoqov barchani qutlug‘ sana bilan tabriklab, Bosh Qomusimizning mohiyati, viloyatda barcha sohalarda erishilayotgan yutuqlar hamda kelgusi maqsadlar haqida to‘xtaldi.
Shundan so‘ng, O‘zbekiston Respublikasi Davlat madhiyasi ijro etildi.
Tantanali marosimda so‘zga chiqqanlar yangilangan Konstitutsiyamizning mazmun-mohiyatiga batafsil to‘xtaldilar.
Tantanali tadbir davomida viloyat musiqali drama teatri jamoasi tomonidan tayyorlangan maxsus kompozitsiya hamda viloyat san’at ustalari ijrosida katta konsert dasturi namoyish etildi.
Namangan viloyati hokimligi
Axborot xizmati