"Yangi Namangan shaharchasi"da yana bir obyekt taqdimoti bo‘lib o‘tdi: Toshkent kimyo xalqaro Universitetining Namangan filiali yangi binoda!
2025-12-02 14:55:00 / Yangiliklar
Bugun ushbu oliy dargoh binolarining tantanali ochilish marosimi bo‘lib o‘tdi. Unda viloyat jamoatchiligi, ziyolilar, nuroniylar, yoshlar vakillari, Universitetning xorijiy hamkorlari ishtirok etdilar.
Namangan viloyati hokimi Shavkatjon Abdurazzoqov muhtaram Prezidentimiz rahnamoliklarida taʼlim sohasiga qaratilayotgan katta eʼtibor va uning samarasi haqida to‘xtaldi.
Birgina viloyatimiz misolida olsak, 2017 yilda bor-yo‘g‘i 3 ta oliy o‘quv yurtida jami 11 ming nafar talaba o‘qir edi. Hozirgi kunga kelib, Namanganda oliy o‘quv yurtlari soni 9 taga yetdi. Talabalar soni esa 8,5 barobarga oshib, yoshlarni oliy taʼlim bilan qamrab olish ko‘rsatkichi 5 foizdan 42,4 foizga ko‘tarildi.
Toshkent kimyo xalqaro Universitetining Namangan filiali binolari o‘ziga xos dizayni bilan "Yangi Namangan shaharchasi" ko‘rkiga ko‘rk qo‘shgani alohida taʼkidlab o‘tildi.
Viloyat hokimi oliygohning yangi binosidagi sharoitlar, Universitet talabalari erishayotgan yutuqlar, ularga yaratilgan imkoniyatlar bilan yaqindan tanishdi.
Namangan viloyati hokimligi
Axborot xizmati