Namangan viloyati hokimi Shavkatjon Abdurazzoqov "Yangi Namangan shaharchasi"da barpo etilayotgan ko‘p qavatli turar joylar qurilishini ko‘zdan kechirdi.
2025-11-30 19:50:00 / Yangiliklar
Hozirda “China House” masʼuliyati cheklangan jamiyati tomonidan 30 mln. AQSH dollari hajmidagi to‘g‘ridan-to‘g‘ri xorijiy investitsiya hisobidan 2 gektar maydonda jami 16 ta ko‘p qavatli turar-joy binosi barpo etishga kirishildi.
Dastlab ushbu obyektda qurilish ishlarining borishi bilan tanishildi.
“Yangi Namangan shaharchasi” loyihasi doirasida zamonaviy infratuzilmalar, ko‘p qavatli uy-joylar, ijtimoiy soha obektlari hamda yo‘l-transport tizimlari bunyod etilmoqda. Maktab, bog‘cha, poliklinika, savdo va xizmat ko‘rsatish shoxobchalari qurilishi ham loyihaning ajralmas qismi sifatida ko‘zda tutilgan.
Viloyat rahbari 22 qavatli yangi uylar atrofida "Yashil makon" umummilliy loyihasi doirasida manzarali ko‘chat ekish ishlarida qatnashdi.
Shundan so‘ng, "Jahon qurilish taʼmirlash" MCHJ tomonidan qurilishi rejalashtirilgan xususiy maktab loyihasi bilan tanishdi.
Viloyat hokimi masʼullarga qurilish jarayonlarini yanada tezlashtirish, ayniqsa, sifat va xavfsizlik masalalariga alohida eʼtibor qaratish bo‘yicha topshiriqlar berdi.
Namangan viloyati hokimligi
Axborot xizmati