Namangan viloyati hokimining oʻrganishlari Yangiqoʻrgʻon tumanida davom etmoqda: qayta tiklangan irrigatsiya — qayta tiklangan hosildorlik
2025-11-21 14:45:00 / Yangiliklar
Loyihaga asosan "Eski yer suv ombori" ga Katta Namangan kanalidan Sherbuloq kanali orqali kaskad nasos yordamida suv olish imkoni yaratildi.
Natijada "Joʻra Oxunov Sharq Yulduzi" agrofirmasi hududidagi suv taʼminotidan uzilgan 250 gektar yer maydonini oʻzlashtirish ishlari olib-borilmoqda.
Mazkur yer maydonining 6 gektarida esa "Yashil makon" barpo etishga kirishildi.
Bugun Namangan viloyati hokimi Shavkatjon Abdurazzoqov boshchiligida, tuman jamoatchiligi: nuroniylar, xotin-qizlar, yoshlar, mahallalar faollari ishtirokida 3 ming tup mevali va manzarali daraxt koʻchatlari ekildi.
Shu yerda jonliq soʻyilib, nuroniylar tomonidan ezgu ishlarga "oq fotiha" berildi.
Taʼkidlash joiz, Yangiqoʻrgʻonda joriy yil yakuniga qadar jami 600 gektar holati yomon yer maydonlarini qayta foydalanishga kiritish rejalashtirilgan.
Namangan viloyati hokimligi
Axborot xizmati