Viloyatimizda "Yashil makon" umummilliy loyihasi doirasida kuzgi koʻchat ekish ishlari qizgʻin davom etmoqda.
2025-11-16 14:10:00 / Yangiliklar
Xususan, Davlatobod tumanida ham mavsumda 70 mingdan ziyod yangi daraxt koʻchatlari ekish rejalashtirilgan, Hozirgi kunda bu boradagi ishlar jadal surʼatlarda olib borilmoqda.
Bugun Namangan viloyati hokimi Shavkatjon Abdurazzoqov Davlatobod tumanidagi oʻrganishlari davomida "Yashil makon" umummilliy loyihasi tadbirlarida qatnashdi.
Shu kuni asosiy yoʻl chetlariga ming tupdan ziyod manzarali koʻchatlar oʻtqazildi.
Taʼkidlash joiz, Mahallalar uyushmasi viloyat boshqarmasi tashabbusi bilan loyiha doirasida barcha shahar va tumanlarimizda keng koʻlamli hasharlar uyushtirilib, aholi ishtirokida obodonlashtirish, koʻkalamzorlashtirish ishlari olib borilmoqda.
Namangan viloyati hokimligi
Axborot xizmati