Toʻraqoʻrgʻon tumanidagi "Yashil makon" loyihasining navbatdagi tadbirida viloyat hokimi Shavkatjon Abdurazzoqov ishtirok etdi.
2025-11-11 16:05:00 / Yangiliklar
Toʻraqoʻrgʻonda turli sohalarda olib borilayotgan ishlar va natijalarni oʻrganish jarayonida viloyat rahbari Qoʻrgʻoncha mahallasidagi namunali uy-joylar ekin maydonlarida "Yashil makon" loyihasi doirasidagi koʻchat oʻtqazish tadbirida qatnashdi.
Taʼkidlash joiz, ushbu loyiha boshlangandan beri tumanda 3 million tupdan ortiq koʻchat ekildi, buning natijasida ekohududlar kengaydi.
Tumanda kuzgi mavsumda 850 ming tup turli daraxt koʻchatlari ekiladi. Bugungi tadbirda qariyb 1000 dona pavloniya va boshqa manzarali daraxt koʻchatlari oʻtqazildi.
Viloyat rahbari kuzgi koʻchat ekish ishlarini izchil davom ettirish boʻyicha koʻrsatmalar berdi.
Namangan viloyati hokimligi
Axborot xizmati