Tadbirkorlik subyektlarini koʻpaytirish orqali yangi ish oʻrinlari yaratilmoqda
2024-04-21 11:45:00 / Yangiliklar
Yangi Namangan tumanida kichik sanoat zonalari faoliyatini kuchaytirish, imkoniyatlarni toʻlaqonli ishga solish va bu orqali yangi ish oʻrinlarini yaratish choralari koʻrilmoqda. Shu maqsadda tumandagi “Taraqqiyot” kichik sanoat zonasida tadbirkorlar bilan muloqot qilindi.
Bugun Namangan viloyati hokimi Shavkatjon Abdurazzoqov oʻrganishlari davomida “Taraqqiyot” kichik sanoat zonasida boʻlib, qurilish jarayonlarini koʻzdan kechirdi.
Shu yerda xitoylik investorlarning elektronika mahsulotlari ishlab chiqarish loyihasi taqdimoti bilan tanishildi.
Viloyat rahbari mazkur kichik sanoat zonasida loyihalarni amalga oshirish jarayonida vujudga kelayotgan muammolarni oʻz vaqtida bartaraf etish va qurilishni tezlashtirish boʻyicha masʼullarga koʻrsatmalar berdi.
Shuningdek, shimoliy aylanma yoʻli hududida bunyod etilayotan yangi tadbirkorlik subyektlarida ham qurilishlarni tezroq yakunlash va loyihalarni belgilangan muddatdan kechiktirmay hayotga tadbiq etish lozimligi alohida taʼkidlandi.