Agentlikda ochiq tanlov asosida ishga qabul jarayoni bo‘lib o‘tdi
2026-03-05 16:05:00 / Yangiliklar
Energetika bozorini rivojlantirish va tartibga solish agentligida mavjud vakant lavozimlarga nomzodlarni saralash jarayoni ochiqlik va shaffoflik tamoyillari asosida amalga oshirilmoqda. Xususan, Agentlikning Texnik tahlil qilish, raqamlashtirish va sunʼiy intellektni rivojlantirish bo‘limi bosh mutaxassisi vakant lavozimiga nomzodlarni ochiq tanlov asosida saralash jarayoni tashkil qilindi.
Unda Davlat fuqarolik xizmati vakant lavozimlarining yagona ochiq portali orqali test sinovlaridan muvaffaqiyatli o‘tgan nomzodlar bilan keyingi bosqich suhbat jarayoni o‘tkazildi. Suhbat davomida ochiq portalda beshta savol tasodifiy elektron tanlash orqali berildi. Nomzodlar tanlov komissiyasi tomonidan ochiq portalda shakllangan savollarga berilgan javoblar asosida baholandi.
Tanlov jarayonlarining ochiq va shaffof bo‘lishi - nomzodlarga teng sharoit yaratilishiga hamda tanlov natijalarining adolatli va xolis bo‘lishiga xizmat qiladi.