O‘zbekiston Respublikasi Energetika bozorini rivojlantirish va tartibga solish agentligi

Unga ko‘ra, O‘zbekiston Respublikasi Energetika bozorini rivojlantirish va tartibga solish agentligi (keyingi o‘rinlarda - EPDK) hamda Turkiya Respublikasining energiya bozorini tartibga solish organi (keyingi o‘rinlarda - EPDK) o‘rtasida Energetika bozorini rivojlantirish va tartibga solish bo‘yicha hamkorlik to‘g‘risidagi kelishuv imzolandi.

Mazkur hujjat O‘zbekiston Respublikasi Prezidentining 2024-yil 17-yanvardagi PQ-28-son “Energetika bozorini rivojlantirish va tartibga solish agentligining faoliyatini tashkil etish chora-tadbirlari to‘g‘risida”gi qarori va Vazirlar Mahkamasining “O‘zbekiston Respublikasi Energetika bozorini rivojlantirish va tartibga solish agentligi to‘g‘risidagi nizomini tasdiqlash haqida”gi qaroriga asosan Energetika bozorini rivojlantirish va tartibga solish agentligi tomonidan ishlab chiqildi.

Kelishuvdan asosiy maqsad Agentlik va EPDK o‘rtasida hamkorlik aloqalarini o‘rnatish, Turkiyaning energiya bozorini rivojlantirish sohasidagi tajribasini o‘rganish, shu yo‘nalishda ikki tomonlama hamkorlikni yo‘lga qo‘yish va mustahkamlashdir.

Taʼkidlash joizki, EPDK 2001 yilda tashkil etilgan bo‘lib, u mustaqil organ hisoblanadi. Isteʼmolchilarni yetarli, sifatli, uzluksiz, tejamkor va ekologik toza energiya resurslari bilan taʼminlash maqsadida energetika bozorini tartibga solish bilan shug‘ullanadi.

Mazkur kelishuv ikki mamlakatning energetika bozorini tartibga solish organlari o‘rtasida energetika bozorining huquqiy asoslarini yaratishda muhim qadam hisoblanadi. Shuningdek, mamlakatimizning energetika bozori ishtirokchilari faoliyatini litsenziyalash, tariflarni tartibga solish va uslubiyotni rivojlantirishda EPDK tajribasini o‘rganish, ekspertlar va mutaxassislar o‘rtasida tajriba almashishni yo‘lga qo‘yish, EPDK da qo‘llaniladigan innovatsion yechimlarni o‘rganish kabi masalalar ham kelishuvda o‘z aksini topgan.