Xalqaro forum doirasida oliy ta’lim vazirlari Toshkent shahridagi Turin politexnika universiteti faoliyati bilan tanishishdi
2024-04-15 14:05:00 / Vazirlik yangiliklari
Dastlab, mehmonlar universitetning yosh ixtirochi talabalar tomonidan yaratilgan innovatsion loyihalarni ko‘zdan kechirdilar.
Talabalarning bilim olishlari, sport bilan shug‘ullanishlari, o‘z loyihalarini amaliyotga tatbiq etishlari uchun universitetda yaratilgan sharoitlar bilan tanishish asnosida vazirlar universitet axborot-resurs markazi, kimyo laboratoriyalari, sport kompleksi faoliyati bilan tanishdilar.
Shundan so‘ng, mehmonlarga universitetning maxsus laboratoriya va texnoparkida yosh tadqiqotchilar tomonidan olib borilayotgan tadqiqot ishlari va startap ishlanmalar taqdimot qilindi. Tashrif doirasida yurtning obod bo‘lishiga o‘zining munosib hissasini qo‘shish maqsadida vazirlar universitet bog‘ida ko‘chat ekidilar.
Tashrif chog‘ida ikki davlat oliy ta’lim muassasalari o‘rtasidagi hamkorlikni yanada kengaytirish, shuningdek, tojikistonlik talaba va tadqiqotchilarni O‘zbekistonga jalb qilish masalalari muhokama qilindi.