“Yil talabasi – 2023” va “Islohotlar bilimdoni” tanlovlari gʻoliblari taqdirlandi
2024-03-29 15:55:00 / Vazirlik yangiliklari
Marosimni Oliy ta’lim fan va innovatsiyalar vazirining birinchi o‘rinbosari Komiljon Karimov ochib, barcha g‘olib va sovrindorlarni samimiy qutladi. So‘ng “Islohotlar bilimdoni” keng tarmoqli respublika ilmiy-ma’rifiy ko‘rik-tanlovining “Ma’naviy-ma’rifiy ishlar bo‘yicha eng yaxshi kafedra” hamda “Eng yaxshi tyutor” nominatsiyasi g‘oliblariga maxsus statuetka va vazirlik diplomlarini tantanali topshirdi. “Yil talabasi–2023” Respublika ko‘rik tanlovi 7 ta – “Yilning o‘z mutaxassisligi bo‘yicha eng bilimdon talabasi”, “Yilning eng faol targ‘ibotchi talabasi”, “Yilning eng faol ixtirochi-innovator talabasi”, “Yilning eng faol sportchi talabasi”, “Yilning eng faol iqtidorli talabasi”, “Yilning eng faol ijodkor talabasi” nominatsiyalari bo‘yicha o‘tkazildi. Barcha nominatsiyalar bo‘yicha oliy ta’lim muassasalarida kesimida ikki turda – fakultet va fakultetlararo bellashuvlar bo‘lib o‘tdi, unda 5000 ming yaqin talaba qatnashdi. Respublika bosqichiga 640 ta hujjatlar kelib tushdi va barcha nominatsiyalar bo‘yicha jami 23 nafar g‘oliblar aniqlandi. “Yil talabasi – 2023” tanlovi g‘oliblari Oliy ta’lim, fan va innovatsiyalar vazirligi tomonidan quyidagicha miqdorda pul mukofotlari bilan ham taqdirlanadi:
1-o‘rin: BHMning 15 barobari miqdorida;
2-o‘rin: BHMning 10 barobari miqdorida;
3-o‘rin: BHMning 8 barobari miqdorida pul mukofoti.
Shundan so‘ng “Islohotlar bilimdoni” keng tarmoqli respublika ilmiy-ma’rifiy ko‘rik tanlovining 5 ta nominatsiyasi bo‘yicha g‘oliblari taqdirlandi. “Ma’naviy-ma’rifiy ishlar bo‘yicha eng yaxshi kafedra”, “Eng faol milliy g‘oya va ma’naviyat targ‘ibotchisi”, “Eng yaxshi tyutor”, “Eng faol xotin-qizlar maslahat kengashi raisi”, “Eng faol islohotlar targ‘ibotchisi”. Ushbu tanlovning barcha nominatsiyalari bo‘yicha 2000 mingdan ziyod ishtirokchi qatnashishdi. Respublika bosqichiga 198 nafar ishtirokchining hujjatlari kelib tushgan. Shulardan ushbu bosqichda har bir nominatsiya bo‘yicha 3 tadan jami 15 nafar g‘olib aniqlanib, munosib taqdirlandi.